Naqsh Bar-diwar

mata-e-dard ko sahab shuur kho baiThe

sabaat-e-azm ko mard-e-ghuyur kho baiThe

nazar se mahw hai ummul-kitab ki tafsir

huzur mani-e-ghaib-o-zuhur kho baiThe

gaya jo hath se iman to tahayyur kya

wafur-e-aish mein taKHt-o-qusur kho baiThe

dil-o-dimagh se ruKHsat jihad ka jazba

sabil-e-haq ke zaruri umur kho baiThe

KHudi se baqi thi mazhab ki aabru thoDi

sharab-e-faqr ka husn-e-surur kho baiThe

gharib millat-e-masum ka KHuda-hafiz

faqih-e-shahr tadayyun ka nur kho baiThe

qulub zinda se afsos hashmi farzand

charagh ishq-e-ilahi ka nur kho baiThe

jahan mein kaise ho mearaj-e-zindagi hasil

yaqin ki ruh ko sadrussudur kho baiThe

hakim-o-arif-o-sufi hain naqsh bar-diwar

dil-o-dimagh se anwar-e-tur kho baiThe

zalil sahab-e-quran ho ye nahin mumkin

zarur husn-e-amal ko huzur kho baiThe

uwais o bu-zar o usman ke ata-karda

mazaq-e-faqr-e-mohammad zarur kho baiThe

KHulus-e-dil se thi 'bebak' shaeri raushan

payambari ke suKHnawar shuur kho baiThe

(906) Peoples Rate This

Your Thoughts and Comments

Naqsh Bar-diwar In English By Famous Poet Bebak Bhojpuri. Naqsh Bar-diwar is written by Bebak Bhojpuri. Read famous Poem Naqsh Bar-diwar for youth and Student by Bebak Bhojpuri. Free Download Naqsh Bar-diwar in PDF.