Dil Mera Tera Taba-e-farman Hai Kya Karun

dil mera tera taba-e-farman hai kya karun

ab tera kufr hi mera iman hai kya karun

ba-hosh hun magar mera daman hai chaak chaak

aalam ye dekh dekh ke hairan hai kya karun

har tarah ka sukun hai har tarah ka hai kaif

phir bhi ye mera qalb pareshan hai kya karun

kahta nahin hun aur zamana hai ba-KHabar

chehre se dil ka haal numayan hai kya karun

daman karun na chaak ye mumkin to hai magar

muztar har ek tar-e-gareban hai kya karun

sada sa ek waraq hun kitab-e-hayat ka

hasrat se ab na ab koi arman hai kya karun

har samt pa raha hun wahi rang-e-dil-fareb

hathon mein kufr ke mera iman hai kya karun

daghon ka qalb-e-zar se mumkin to hai ilaj

un ke hi dam se dil mein charaghan hai kya karun

ek be-wafa ke waste se sab kuchh luTa diya

'bahzad' ab na din na iman hai kya karun

(899) Peoples Rate This

Your Thoughts and Comments

Dil Mera Tera Taba-e-farman Hai Kya Karun In English By Famous Poet Behzad Lakhnavi. Dil Mera Tera Taba-e-farman Hai Kya Karun is written by Behzad Lakhnavi. Read famous Poem Dil Mera Tera Taba-e-farman Hai Kya Karun for youth and Student by Behzad Lakhnavi. Free Download Dil Mera Tera Taba-e-farman Hai Kya Karun in PDF.