Udas Kaghzi Mausam Mein Rang O Bu Rakh De

udas kaghzi mausam mein rang o bu rakh de

har ek phul ke lab par mera lahu rakh de

zaban-e-gul se chaTanen tarashne wale

nigar o naqsh mein aasaish-e-numu rakh de

suna hai ahl-e-KHirad phir chaman sajaenge

junun bhi jeb o gareban pa-e-rafu rakh de

shafaq hai phul hai dipak hai chand bhi hai magar

unhin ke sath kahin saghar o subu rakh de

chala hai jaanib-e-mai-KHana aaj phir waiz

kahin na jam pe lab apne be-wazu rakh de

tamam shahr ko apni taraf jhuka lunga

gham-e-habib mere sar pe hath tu rakh de

giran lage hai jo ehsan dast-e-qatil ka

uTh aur tegh ke lab par rag-e-gulu rakh de

KHuda kare mera munsif saza sunane par

mera hi sar mere qatil ke ru-ba-ru rakh de

samundaron ne bulaya hai tujh ko ai 'bekal'

tu apni pyas ki sahra mein aabru rakh de

(877) Peoples Rate This

Your Thoughts and Comments

Udas Kaghzi Mausam Mein Rang O Bu Rakh De In English By Famous Poet Bekal Utsahi. Udas Kaghzi Mausam Mein Rang O Bu Rakh De is written by Bekal Utsahi. Read famous Poem Udas Kaghzi Mausam Mein Rang O Bu Rakh De for youth and Student by Bekal Utsahi. Free Download Udas Kaghzi Mausam Mein Rang O Bu Rakh De in PDF.