Aah Karna Dil-e-hazin Na Kahin
aah karna dil-e-hazin na kahin
aag lag jaegi kahin na kahin
mere dil se nikal ke duniya mein
chain se hasraten rahin na kahin
be-hijabi nigah-e-ulfat ki
dekhe wo sharmgin kahin na kahin
aa gae lab pe dil-nashin nale
ja hi pahunchenge ab kahin na kahin
hum samajhte hain hazrat-e-'beKHud'
choT kha aae ho kahin na kahin
Bekhud Badayuni 
(696) Peoples Rate This