Dushman Ba-nam-e-dost Banana Mujhe Bhi Hai

dushman ba-nam-e-dost banana mujhe bhi hai

us jaisa rup us ko dikhana mujhe bhi hai

mere KHilaf sazishen karta hai rose wo

aaKHir koi qadam to uThana mujhe bhi hai

ungli uTha raha hai tu kirdar par mere

tujh ko tere maqam pe lana mujhe bhi hai

nazren badal raha hai agar wo to gham nahin

kanTa ab apni rah se haTana mujhe bhi hai

main barf-zadi kab se ajab zid pe hun aDi

suraj ko apne pas bulana mujhe bhi hai