Dushman Ba-nam-e-dost Banana Mujhe Bhi Hai
dushman ba-nam-e-dost banana mujhe bhi hai
us jaisa rup us ko dikhana mujhe bhi hai
mere KHilaf sazishen karta hai rose wo
aaKHir koi qadam to uThana mujhe bhi hai
ungli uTha raha hai tu kirdar par mere
tujh ko tere maqam pe lana mujhe bhi hai
nazren badal raha hai agar wo to gham nahin
kanTa ab apni rah se haTana mujhe bhi hai
main barf-zadi kab se ajab zid pe hun aDi
suraj ko apne pas bulana mujhe bhi hai
Bilqees Khan 
(758) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544