Karun Kya SaKHt Mushkil Aa PaDi Hai
karun kya saKHt mushkil aa paDi hai
meri dahliz par chahat khaDi hai
maqam-e-zabt hai ai dil sambhalna
judai ki ghaDi sar par khaDi hai
rasai kab dilon tak pa saki wo
mohabbat jo kitabon mein paDi hai
shikasta hain mere aasab yun bhi
ana se jang ek muddat laDi hai
kai din se barahna mere dil mein
talluq ki koi mayyat paDi hai
use milna bhi hai qaid-e-musalsal
judai ki bhi apni hathkaDi hai
Bilqees Khan 
(827) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544