Hamari Jagti Aankhon Mein KHwab Sa Kya Tha

hamari jagti aankhon mein KHwab sa kya tha

ghaneri shab mein uga aaftab sa kya tha

kahin hui to thi halchal kahin pe gahre mein

bigaD bigaD ke wo banta habab sa kya tha

tamam jism mein hoti hain larzishen kya kya

sawad-e-jaan mein ye bajta rabab sa kya tha

hamari pyas pe barsa andhere ujiyale

wo kuchh ghaTaon sa kuchh mahtab sa kya tha

zara si der bhi rukta to kuchh pata chalta

wo rang tha ki thi KHushbu sahab sa kya tha

ye tishnagi ka safar kaT gaya hai jis ke tufail

wo dasht dasht chhalakta sarab sa kya tha

tamam umr khapaya hai jis mein sar 'bilqis'

bhala wo be-sar-o-pa si kitab sa kya tha

(840) Peoples Rate This

Your Thoughts and Comments

Hamari Jagti Aankhon Mein KHwab Sa Kya Tha In English By Famous Poet Bilqis Zafirul Hasan. Hamari Jagti Aankhon Mein KHwab Sa Kya Tha is written by Bilqis Zafirul Hasan. Read famous Poem Hamari Jagti Aankhon Mein KHwab Sa Kya Tha for youth and Student by Bilqis Zafirul Hasan. Free Download Hamari Jagti Aankhon Mein KHwab Sa Kya Tha in PDF.