Kaun Samjhe Ishq Ki Dushwariyan
kaun samjhe ishq ki dushwariyan
ek junun aur lakh zimmedariyan
ehtimam-e-zindagi-e-ishq dekh
roz mar jaane ki hain tayyariyan
ishq ka gham wo bhi tere ishq ka
kaun kar sakta meri gham-KHwariyan
be-KHudi-e-ishq jaise gham ki nind
gham ki ninden ruh ki bedariyan
ishq bhi hai kis qadar bar-KHud-ghalat
un ki bazm-e-naz aur KHuddariyan
is mohabbat us jawani ki qasam
phir na ye ninden na ye bedariyan
ye niyaz-e-arzumandi na dekh
aur kuchh hain ishq ki KHuddariyan
iKHtilaj-e-qalb ke daure nahin
ishq ki 'bismil' hain dil-azariyan
Bismil Saeedi 
(1250) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544