Samandar Ka Sukut

aaj phir ghat mein baiTha hai samundar ka sukut

hum ko ek dusre se dur hi rahna hoga

hum ko har haal mein majbur hi rahna hoga

mujh ko is daur-e-jarahat se guzar jaane de

mujh ko jine ki tamanna nahin mar jaane de

meri taqdir mein gham hain to koi baat nahin

mujh ko zulmat ki guphaon mein utar jaane de

tu na ghabra ki tere husn ki mishal le kar

tere hamrah kabhi tere bichhaune ke qarib

raat bhar dhum machaega mere jism ka bhut

aaj phir ghat mein baiTha hai samundar ka sukut

zarf baqi na koi azm-e-nihan baqi hai

sirf ehsas ke chehre pe dhuan baqi hai

koi saya hai na sathi hai na mahfil koi

dilkashi KHatm hai phir kyun ye jahan baqi hai

ye jahan jis mein sab atraf tabahi ke nishan

surat o shakl pe zaKHmon ki tarah phaile hain

aur har zaKHm hai insan ki wahshat ka subut

aaj phir ghat mein baiTha hai samundar ka sukut

talKH tanhai ka ek dard liye chehre par

le ke phirta hun main zaKHmon ke diye chehre par

ruh majruh jabin zaKHm-zada dil ghail

phir bhi hansta hun nai aas liye chehre par

zindagi hai ki kisi shah ki begam jis ko

waqt bazar mein laya hai barhana kar ke

aur KHamosh hain tahzib o tamaddun ke saput

aaj phir ghat mein baiTha hai samundar ka sukut

waqt kahta hai hamein dur hi rahna hoga

hum ko har haal mein majbur hi rahna hoga

(1118) Peoples Rate This

Your Thoughts and Comments

Samandar Ka Sukut In English By Famous Poet Chandrabhan Khayal. Samandar Ka Sukut is written by Chandrabhan Khayal. Read famous Poem Samandar Ka Sukut for youth and Student by Chandrabhan Khayal. Free Download Samandar Ka Sukut in PDF.