Hum Jo Mil BaiThen To Yak-jaan Bhi Ho Sakte Hain

hum jo mil baiThen to yak-jaan bhi ho sakte hain

pure apne sabhi arman bhi ho sakte hain

tujh se is tarah pe aa pahuncha hai rishta apna

bin bulae tere mehman bhi ho sakte hain

hum tere nam ki japte nahin mala hi faqat

hum tere nam pe qurban bhi ho sakte hain

dil mein aane ki bhala aap ko dawat main dun

ghar ke malik kabhi mehman bhi ho sakte hain

but-e-kafir ki parastish pe koi qaid nahin

pujne wale musalman bhi ho sakte hain

be-ruKHi tu ne bhi barti jo KHudaya un se

tujh se barham tere insan bhi ho sakte hain

aaj jo gardish-e-dauran ka uDate hain mazaq

kal wahi log pareshan bhi ho sakte hain

tu jo samjhe mere armanon ki ahmiyyat ko

mere arman tere arman bhi ho sakte hain

jab KHata karte the us waqt na socha ai 'charKH'

hum sar-e-hashr pasheman bhi ho sakte hain

(611) Peoples Rate This

Your Thoughts and Comments

Hum Jo Mil BaiThen To Yak-jaan Bhi Ho Sakte Hain In English By Famous Poet Charkh Chinioti. Hum Jo Mil BaiThen To Yak-jaan Bhi Ho Sakte Hain is written by Charkh Chinioti. Read famous Poem Hum Jo Mil BaiThen To Yak-jaan Bhi Ho Sakte Hain for youth and Student by Charkh Chinioti. Free Download Hum Jo Mil BaiThen To Yak-jaan Bhi Ho Sakte Hain in PDF.