Mohabbat Kis Qadar Yas-afrin Malum Hoti Hai
mohabbat kis qadar yas-afrin malum hoti hai
tere honTon ki har jumbish nai malum hoti hai
ye kis ke aastan par mujh ko zauq-e-sajda le aaya
ki aaj apni jabin apni jabin malum hoti hai
mohabbat tere jalwe kitne ranga-rang jalwe hain
kahin mahsus hoti hai kahin malum hoti hai
jawani miT gai lekin KHalish dard-e-mohabbat ki
jahan malum hoti thi wahin malum hoti hai
umid-e-wasl ne dhoke diye hain is qadar 'hasrat'
ki us kafir ki han bhi ab nahin malum hoti hai
Chiragh Hasan Hasrat 
(1173) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544