Zindagi Kar Gai Tufan Ke Hawale Mujhko
zindagi kar gai tufan ke hawale mujh ko
ai ajal kashmakash-e-gham se chhuDa le mujh ko
kuchh to le kaam taghaful se wafa ke paikar
ye tera pyar kahin mar na Dale mujh ko
wah ri qismat ki kahan manzil-e-maqsud mili
jab maza dene lage panw ke chhaale mujh ko
aaKHiri waqt talak sath andheron ne diya
ras aate nahin duniya ke ujale mujh ko
koi bhi mohsin o rahbar hi nahin hai mera
yun to 'danish' hain bahut chahne wale mujh ko
Danish Aligarhi 
(1073) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544