Ret MuTThi Mein Bhari Pani Se Aaghaz Kiya
ret muTThi mein bhari pani se aaghaz kiya
saKHt mushkil mein tha aasani se aaghaz kiya
mujh ko miTTi se badan bante hue umr lagi
meri tamir ne virani se aaghaz kiya
ye jahanon ka zamanon ka makanon ka safar
ghaib ne lafz se ya mani se aaghaz kiya
jab bhi ye aankh anasir ki taraf dekhti hai
yaad aata hai pareshani se aaghaz kiya
jism aur ism mujhe kaise mile kis ne diye
in sawalat ki hairani se aaghaz kiya
ek KHamosh samundar tha mere chaar taraf
jis mein aawaz ne tughyani se aaghaz kiya
mujh ko bad-surati-e-jism ka andaza hai
main ne aaina-e-uryani se aaghaz kiya
Daniyal Tareer 
(1086) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544