Tera Kya Jata Jo Milta Jam-e-rehani Mujhe

tera kya jata jo milta jam-e-rehani mujhe

mai ke badle saqiya tu ne diya pani mujhe

mai-gusari mein wo ab pahli si kaifiyyat nahin

de diya saqi ne kya be-kaif sa pani mujhe

ab kisi mashrub se dil chain pa sakta nahin

kash wo aa kar pila de tegh ka pani mujhe

wo tap-e-gham hai ki sukhe hain lab-o-kaam-o-dahan

kash aa kar wo pilaen did ka pani mujhe

pi raha hun shauq se ai 'raaz' jis ko aaj tak

ek din aaKHir Dubo dega wahi pani mujhe

(453) Peoples Rate This

Your Thoughts and Comments

Tera Kya Jata Jo Milta Jam-e-rehani Mujhe In English By Famous Poet Dhanpat Rai Thapar Raz. Tera Kya Jata Jo Milta Jam-e-rehani Mujhe is written by Dhanpat Rai Thapar Raz. Read famous Poem Tera Kya Jata Jo Milta Jam-e-rehani Mujhe for youth and Student by Dhanpat Rai Thapar Raz. Free Download Tera Kya Jata Jo Milta Jam-e-rehani Mujhe in PDF.