Kahan Main Abhi Tak Nazar Aa Saka Hun
kahan main abhi tak nazar aa saka hun
KHuda jaane kitni tahon mein chhupa hun
ye kis ne sada di mujhe zindagi ne
magar main to sadiyan huin mar chuka hun
ye kah kar to manzil ne dil toD Dala
jahan se chala tha wahi marhala hun
ye dilchasp wade ye rangin dilase
ajab sazishen hain kahan aa gaya hun
tera qurb hasil hua bhi to kya hai
wahi fasla tha wahi fasla hun
Dil Ayubi 
(831) Peoples Rate This