Jo Bhi Nikle Teri Aawaz Lagata Nikle

jo bhi nikle teri aawaz lagata nikle

aise haalat mein ab ghar se koi kya nikle

us ke lahje mein sarabon ki ajab raunaq hai

ain mumkin hai wo tapta hua sahra nikle

har taraf KHwab wahi KHwab wahi ek chehra

ab kisi taur mere ghar se ye malba nikle

dasht walon ko batao ki yahan main bhi hun

kya pata mujh se hi un ka koi rasta nikle

bas isi aas mein baiTha hun sar-e-sahra main

koi baadal mujhe aawaz lagata nikle

kash aisa ho tere shahr mein pyasa aaun

aur tere qadmon se ho kar koi dariya nikle

raqs karte the tere hathon pe kitne aalam

ab to aankhon se meri rang hina ka nikle

tere hone pe bhi ek Dar sa laga rahta hai

kaise is ji se tere hijr ka dhaDka nikle

(564) Peoples Rate This

Your Thoughts and Comments

Jo Bhi Nikle Teri Aawaz Lagata Nikle In English By Famous Poet Dinesh Naaidu. Jo Bhi Nikle Teri Aawaz Lagata Nikle is written by Dinesh Naaidu. Read famous Poem Jo Bhi Nikle Teri Aawaz Lagata Nikle for youth and Student by Dinesh Naaidu. Free Download Jo Bhi Nikle Teri Aawaz Lagata Nikle in PDF.