Kuchh Aadmi Samaj Pe Bojhal Hain Aaj Bhi
kuchh aadmi samaj pe bojhal hain aaj bhi
rassi to jal gai hai magar bal hain aaj bhi
insaniyat ko qatl kiya jae is liye
dair o haram ki aaD mein maqtal hain aaj bhi
ab bhi wahi hai rasm-o-riwayat ki bandagi
matlab ye hai ki zehn muqaffal hain aaj bhi
baaten tumhaari shaiKH o barhaman KHata-muaf
pahle ki tarah ghair-mudallal hain aaj bhi
'rahi' har ek samt fasad o inad ke
chhae hue fazaon mein baadal hain aaj bhi
Divakar Rahi 
(1288) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544