Dil-e-barbaad Ko ChhoTa Sa Makan Bhi Dega
dil-e-barbaad ko chhoTa sa makan bhi dega
jab naya zaKHm bharega to nishan bhi dega
pahle guzrunga main ummid o yaqin ki rah se
phir tera pyar mujhe wahm-o-guman bhi dega
paikar-e-rang jo pal bhar mein bikhar jaega
jagti aankhon ko KHwabon ka jahan bhi dega
tum jalana mujhe chaho to jala do lekin
naKHl-e-taza jo jalega to dhuan bhi dega
waqt deta hai jinhen aaj khilaune 'aKHtar'
unhin atfal ko kal tir-o-sinan bhi dega
Ehtisham Akhtar 
(1190) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544