Bahti Hui Aankhon Ki Rawani Mein Mare Hain
bahti hui aankhon ki rawani mein mare hain
kuchh KHwab mere ain-jawani mein mare hain
rota hun main un lafzon ki qabron pe kai bar
jo lafz meri shola-bayani mein mare hain
kuchh tujh se ye duri bhi mujhe mar gai hai
kuchh jazbe mere naql-e-makani mein mare hain
qabron mein nahin hum ko kitabon mein utaro
hum log mohabbat ki kahani mein mare hain
is ishq ne aaKHir hamein barbaad kiya hai
hum log isi khaulte pani mein mare hain
kuchh had se ziyaada tha hamein shauq-e-mohabbat
aur hum hi mohabbat ki girani mein mare hain
Ejaaz Tawakkal 
(1967) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544