Kiye Hain Mujh Pe Jo Ehsan Jata Nahin Sakta

kiye hain mujh pe jo ehsan jata nahin sakta

wo shaKHs to mera dil bhi dikha nahin sakta

chhupa hua hun tah-e-sang ek muddat se

hawa ka jhonka meri samt aa nahin sakta

pare hai aaj bhi wo sarhad-e-tasawwur se

main us ko puj to sakta hun pa nahin sakta

dikha raha hai wahi mauj mauj aks mujhe

wo tera aks jise main bana nahin sakta

main ek naghma-e-sada-mizaj hun 'asif'

qaba-e-saz mein KHud ko chhupa nahin sakta