Tere Daman Ki Thi Ya Mast Hua Kis Ki Thi

tere daman ki thi ya mast hua kis ki thi

sath mere chali aai wo sada kis ki thi

kaun mujrim hai ki duri hai wahi pahli si

pas aa kar chale jaane ki ada kis ki thi

dil to sulga tha magar aankhon mein aansu kyun aae

mil gai kis ko saza aur KHata kis ki thi

sham aate hi utar aae mere ganw mein rang

jis ke ye rang the jaane wo qaba kis ki thi

ye mera dil hai ki aankhen ki sitaron ki tarah

jalne bujhne ki sahar tak ye ada kis ki thi

chandni raat ghane nim tale koi na tha

phir fazaon mein wo KHushbu-e-hina kis ki thi

(764) Peoples Rate This

Your Thoughts and Comments

Tere Daman Ki Thi Ya Mast Hua Kis Ki Thi In English By Famous Poet Ejaz Obaid. Tere Daman Ki Thi Ya Mast Hua Kis Ki Thi is written by Ejaz Obaid. Read famous Poem Tere Daman Ki Thi Ya Mast Hua Kis Ki Thi for youth and Student by Ejaz Obaid. Free Download Tere Daman Ki Thi Ya Mast Hua Kis Ki Thi in PDF.