Sajan Mujh Par Bahut Na-mehrban Hai
sajan mujh par bahut na-mehrban hai
kahan wo aashiqan ka qadar-dan hai
kahun ahwal dil ka us ko kyunkar
bahut nazuk-mizaj o bad-zaban hai
mera dil band hai us naznin par
ajab us KHush-liqa mein ek aan hai
bhawan shamshir hain o zulf phansi
har ek palak us ki manind-e-sinan hai
KHuda us ko rakkhe duniya mein mahfuz
nihaal-e-arzu aaram-e-jaan hai
chandr be-waqar hai us badr aage
safa us mukh ki har ek par ayan hai
samajhta hai tere ashaar 'faez'
KHuda ke fazl sun wo nukta-dan hai
Faez Dehlvi 
(1189) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544