Tujh Bina Dil Ko Be-qarari Hai

tujh bina dil ko be-qarari hai

dam-ba-dam mujh ko aah-o-zari hai

hath tere jo dekhi hai talwar

aarzu dil ko jaan-sipari hai

mujh ko auron se kuchh nahin hai kaam

tujh se har dam umid-wari hai

hum se tujh ko nahin milap kabhi

ye magar jag mein taur-e-yari hai

aah kun dil mein main chhupata hun

lazim-e-ishq parda-dari hai

gir raha teri rah par 'faez'

ishq ki shart KHaksari hai