Donon Jahan Teri Mohabbat Mein Haar Ke

donon jahan teri mohabbat mein haar ke

wo ja raha hai koi shab-e-gham guzar ke

viran hai mai-kada KHum-o-saghar udas hain

tum kya gae ki ruTh gae din bahaar ke

ek fursat-e-gunah mili wo bhi chaar din

dekhe hain hum ne hausle parwardigar ke

duniya ne teri yaad se begana kar diya

tujh se bhi dil-fareb hain gham rozgar ke

bhule se muskura to diye the wo aaj 'faiz'

mat puchh walwale dil-e-na-karda-kar ke

(728) Peoples Rate This

Your Thoughts and Comments

Donon Jahan Teri Mohabbat Mein Haar Ke In English By Famous Poet Faiz Ahmad Faiz. Donon Jahan Teri Mohabbat Mein Haar Ke is written by Faiz Ahmad Faiz. Read famous Poem Donon Jahan Teri Mohabbat Mein Haar Ke for youth and Student by Faiz Ahmad Faiz. Free Download Donon Jahan Teri Mohabbat Mein Haar Ke in PDF.