Humne Sab Sher Mein Sanware The
hum ne sab sher mein sanware the
hum se jitne suKHan tumhaare the
rang-o-KHushbu ke husn-o-KHubi ke
tum se the jitne istiare the
tere qaul-o-qarar se pahle
apne kuchh aur bhi sahaare the
jab wo lal-o-gohar hisab kiye
jo tere gham ne dil pe ware the
mere daman mein aa gire sare
jitne tasht-e-falak mein tare the
umr-e-jawed ki dua karte
'faiz' itne wo kab hamare the
Faiz Ahmad Faiz 
(2734) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544