Qarz-e-nigah-e-yar Ada Kar Chuke Hain Hum
qarz-e-nigah-e-yar ada kar chuke hain hum
sab kuchh nisar-e-rah-e-wafa kar chuke hain hum
kuchh imtihan-e-dast-e-jafa kar chuke hain hum
kuchh un ki dastaras ka pata kar chuke hain hum
ab ehtiyat ki koi surat nahin rahi
qatil se rasm-o-rah siwa kar chuke hain hum
dekhen hai kaun kaun zarurat nahin rahi
ku-e-sitam mein sab ko KHafa kar chuke hain hum
ab apna iKHtiyar hai chahe jahan chalen
rahbar se apni rah juda kar chuke hain hum
un ki nazar mein kya karen phika hai ab bhi rang
jitna lahu tha sarf-e-qaba kar chuke hain hum
kuchh apne dil ki KHu ka bhi shukrana chahiye
sau bar un ki KHu ka gila kar chuke hain hum
Faiz Ahmad Faiz 
(3083) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544