Shafaq Ki Rakh Mein Jal Bujh Gaya Sitara-e-sham
shafaq ki rakh mein jal bujh gaya sitara-e-sham
shab-e-firaq ke gesu faza mein lahrae
koi pukaro ki ek umr hone aai hai
falak ko qafila-e-roz-o-sham Thahrae
ye zid hai yaad harifan-e-baada-paima ki
ki shab ko chand na nikle na din ko abr aae
saba ne phir dar-e-zindan pe aa ke di dastak
sahar qarib hai dil se kaho na ghabrae
Faiz Ahmad Faiz 
(2452) Peoples Rate This