Dar-e-umid Ke Daryuza-gar
phir phurere ban ke mere tan-badan ki dhajjiyan
shahr ke diwar-o-dar ko rang pahnane lagin
phir kaf-aluda zabanen madh o zam ki qumchiyan
mere zehn o gosh ke zaKHmon pe barsane lagin
phir nikal aae hawasnakon ke raqsan taife
dardmand-e-ishq par ThaTThe lagane ke liye
phir duhal karne lage tashhir-e-iKHlas-o-wafa
kushta-e-sidq-o-safa ka dil jalane ke liye
hum ki hain kab se dar-e-ummid ke daryuza-gar
ye ghaDi guzri to phir dast-e-talab phailaenge
kucha o bazar se phir chun ke reza reza KHwab
hum yunhi pahle ki surat joDne lag jaenge
Faiz Ahmad Faiz 
(1748) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544