Dil-e-man Musafir-e-man

mere dil, mere musafir

hua phir se hukm sadir

ki watan-badar hon hum tum

den gali gali sadaen

karen ruKH nagar nagar, ka

ki suragh koi paen

kisi yar-e-nama-bar ka

har ek ajnabi se puchhen

jo pata tha apne ghar ka

sar-e-ku-e-na-shanasan

hamein din se raat karna

kabhi is se baat karna

kabhi us se baat karna

tumhein kya kahun ki kya hai

shab-e-gham buri bala hai

hamein ye bhi tha ghanimat

jo koi shumar hota

hamein kya bura tha marna

agar ek bar hota!