KHatm Hui Barish-e-sang

na-gahan aaj mere tar-e-nazar se kaT kar

TukDe TukDe hue aafaq pe KHurshid o qamar

ab kisi samt andhera na ujala hoga

bujh gai dil ki tarah rah-e-wafa mere baad

dosto qafila-e-dard ka ab kya hoga

ab koi aur kare parwarish-e-gulshan-e-gham

dosto KHatm hui dida-e-tar ki shabnam

tham gaya shor-e-junun KHatm hui barish-e-sang

KHak-e-rah aaj liye hai lab-e-dildar ka rang

ku-e-jaanan mein khula mere lahu ka parcham

dekhiye dete hain kis kis ko sada mere baad

'kaun hota hai harif-e-mai-e-mard-afgan-e-ishq'

'hai mukarrar lab-e-saqi pe sala mere baad'

(3822) Peoples Rate This

Your Thoughts and Comments

KHatm Hui Barish-e-sang In English By Famous Poet Faiz Ahmad Faiz. KHatm Hui Barish-e-sang is written by Faiz Ahmad Faiz. Read famous Poem KHatm Hui Barish-e-sang for youth and Student by Faiz Ahmad Faiz. Free Download KHatm Hui Barish-e-sang in PDF.