Marg-e-soz-e-mohabbat

aao ki marg-e-soz-e-mohabbat manaen hum

aao ki husn-e-mah se dil ko jalaen hum

KHush hun firaq-e-qamat-o-ruKHsar-e-yar se

sarw-o-gul-o-saman se nazar ko sataen hum

virani-e-hayat ko viran-tar karen

le naseh aaj tera kaha man jaen hum

phir oT le ke daman-e-abr-e-bahaar ki

dil ko manaen hum kabhi aansu bahaen hum

suljhaen be-dili se ye uljhe hue sawal

wan jaen ya na jaen na jaen ki jaen hum

phir dil ko pas-e-zabt ki talqin kar chuken

aur imtihan-e-zabt se phir ji churain hum

aao ki aaj KHatm hui dastan-e-ishq

ab KHatm-e-ashiqi ke fasane sunaen hum

(2510) Peoples Rate This

Your Thoughts and Comments

Marg-e-soz-e-mohabbat In English By Famous Poet Faiz Ahmad Faiz. Marg-e-soz-e-mohabbat is written by Faiz Ahmad Faiz. Read famous Poem Marg-e-soz-e-mohabbat for youth and Student by Faiz Ahmad Faiz. Free Download Marg-e-soz-e-mohabbat in PDF.