Nazm
suno ki shayad ye nur-e-saiqal
hai us sahife ka harf-e-awwal
jo har kas-o-nakas-e-zamin par
dil-e-gadayan-e-ajmain par
utar raha hai falak se ab ke
suno ki is harf-e-lam-yazal ke
hamin tumhin bandagan-e-be-bas
alim bhi hain KHabir bhi hain
suno ki hum be-zaban-o-bekas
bashir bhi hain nazir bhi hain
har ek ulul-amr ko sada do
ki apni fard-e-amal sambhaale
uThega jab jism-e-sarfaroshan
paDenge dar-o-rasan ke lale
koi na hoga ki jo bacha le
jaza saza sab yahin pe hogi
yahin azab-o-sawab hoga
yahin pe roz-e-hisab hoga
Faiz Ahmad Faiz 
(4524) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544