Shahar-e-yaran

aasman ki god mein dam toDta hai tifl-e-abr

jam raha hai abr ke honTon pe KHun-alud kaf

bujhte bujhte bujh gai hai arsh ke hujron mein aag

dhire dhire bichh rahi hai matami taron ki saf

ai saba shayad tere ham-rah ye KHun-nak sham

sar jhukae ja rahi hai shahr-e-yaran ki taraf

shahr-e-yaran jis mein is dam DhunDhti phirti hai maut

sher-dil banko mein apne tir-o-nashtar ke hadaf

ek taraf bajti hain josh-e-zist ki shahnaiyan

ek taraf chinghaDte hain ahrman ke tabl-o-daf

ja ke kahna ai saba baad-az-salam-e-dosti

aaj shab jis dam guzar ho shahr-e-yaran ki taraf

dasht-e-shab mein is ghaDi chup-chap hai shayad rawan

saqi-e-subh-e-tarab naghma-ba-lab saghar-ba-kaf

wo pahunch jae to hogi phir se barpa anjuman

aur tartib-e-maqam-o-mansab-o-jah-o-sharaf

(1926) Peoples Rate This

Your Thoughts and Comments

Shahar-e-yaran In English By Famous Poet Faiz Ahmad Faiz. Shahar-e-yaran is written by Faiz Ahmad Faiz. Read famous Poem Shahar-e-yaran for youth and Student by Faiz Ahmad Faiz. Free Download Shahar-e-yaran in PDF.