Surud-e-shabana

nim-shab chand KHud-faramoshi

mahfil-e-hast-o-bud viran hai

paikar-e-iltija hai KHamoshi

bazm-e-anjum fasurda-saman hai

aabshaar-e-sukut jari hai

chaar-su be-KHudi si tari hai

zindagi juzw-e-KHawab hai goya

sari duniya sarab hai goya

so rahi hai ghane daraKHton par!

chandni ki thaki hui aawaz

kahkashan nim-wa nigahon se

kah rahi hai hadis-e-shauq-e-niyaz

saz-e-dil ke KHamosh taron se

chhan raha hai KHumar-e-kaif-agin

aarzu KHwab tera ru-e-hasin