Ye Kis Dayar-e-adam Mein
nahin hai yun to nahin hai ki ab nahin paida
kasi ke husn mein shamshir-e-aftab ka husn
nigah jis se milao to aankh dukhne lage
kisi ada mein ada-e-KHiram-e-baad-e-saba
jise KHayal mein lao to dil sulagne lage
nahin hai yun to nahin hai ki ab nahin baqi
jahan mein bazm-gah-e-husn-o-ishq ka mela
bina-e-lutf-o-mohabbat, riwaj-e-mehr-o-wafa
ye kas dayar-e-adam mein muqim hain hum tum
jahan pe muzda-e-didar-e-husn-e-yar to kya
nawed-e-amad-e-roz-e-jaza nahin aati
ye kis KHumar-kade mein nadim hain hum tum
jahan pe shorish-e-rindan-e-mai-gusar to kya
shikast-e-shisha-e-dil ki sada nahin aati
Faiz Ahmad Faiz 
(3043) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544