Meri Dadi
pyari pyari meri dadi
mujh ko kahti hai shahzadi
mere sau naKHre sahti hai
meri fikr use rahti hai
jo bhi mango so deti hai
ek nahi wo do deti hai
mujhe mana kar KHush hoti hai
warna ghusse mein roti hai
mujhe koi jo mare chaT se
DanT use deti hai jhaT se
mujh se dur nahi rah sakti
wo ye baat nahi sah sakti
karam KHuda ka hai ye be-shak
us ki aaankhon ki hun ThanDak
ambar par tare hain jitne
yaad use hain qisse utne
dil ki baat kahungi mil ke
nazm 'faragh'-uncle kar denge
Faragh Rohvi 
(983) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544