Shauq Ka Silsila Be-karan Hai
shauq ka silsila be-karan hai
zindagi karwan karwan hai
hasil-e-narmi-e-shabnam-o-gil
aatish-e-gham ka sail-e-rawan hai
har nafas mein teri aahaTen hain
har nafas zindagi ka nishan hai
apni viraniyon par abhi tak
dil ko shadabiyon ka guman hai
ham-nafas dil dhaDakte hain jab tak
karobar-e-mohabbat jawan hai
tohmat-e-mai-kashi bhi uThai
tishnagi hai ki shoala-ba-jaan hai
un ke daman mein bhi phul hote
jin se ranai-e-gulsitan hai
Fareed Javed 
(841) Peoples Rate This