TalKH Guzre Ki Shadman Guzre
talKH guzre ki shadman guzre
zindagi ho to kyun garan guzre
tha jahan muddaton se sannaTa
hum wahan se bhi naghma-KHwan guzre
marhale saKHt the magar hum log
surat-e-mauja-e-rawan guzre
mere hi dil ki dhaDkanen hongi
tum mere pas se kahan guzre
kyun na Dhal jae mere naghmon mein
kyun tera husn raegan guzre
chand lamhe KHayal-o-KHwab sahi
chand lamhe anis-e-jaan guzre
kitne KHamosh hadse 'jawed'
dil hi dil mein nihan nihan guzre
Fareed Javed 
(765) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544