Makr-e-hayat RuKH Ki Qaba Bhi Utar Di

makr-e-hayat ruKH ki qaba bhi utar di

hum ne taDap taDap ke ye shab bhi guzar di

ab hum pe KHak dekhiye kis dasht ki paDe

yan to azan-e-subh sar-e-auj-e-dar di

ab tum karo suragh-e-jamal-e-butan talash

hum ne tumhein amanat-e-chashm-o-azar di

dekhi hain yun bhi chaaragaron ki karamaten

zaKHm-e-lahu-lahu ko dawa KHar KHar di

yun bhi kiya hai hum ne haq-e-dilbari ada

apni hi jit apne hi hathon se haar di

'salim' KHusha hai us ko bahut tujh pe e'timad

jis ne tujhe aziyyat-e-dil be-shumar di

(743) Peoples Rate This

Your Thoughts and Comments

Makr-e-hayat RuKH Ki Qaba Bhi Utar Di In English By Famous Poet Farhan Salim. Makr-e-hayat RuKH Ki Qaba Bhi Utar Di is written by Farhan Salim. Read famous Poem Makr-e-hayat RuKH Ki Qaba Bhi Utar Di for youth and Student by Farhan Salim. Free Download Makr-e-hayat RuKH Ki Qaba Bhi Utar Di in PDF.