Ba-maniyon Se Bach Ke Mohmal Ki Rah PakDi
ba-maniyon se bach ke mohmal ki rah pakDi
hum ne bil-aKHir apne jangal ki rah pakDi
dil se dimagh tak sab uljha hua paDa tha
aaKHir hue diwane aur hal ki rah pakDi
us samt mein jo dekhi kuchh tez raushni si
phir tirgi-e-KHun ne maqtal ki rah pakDi
tum ko liye phirega 'ehsas' jangalon mein
tum ne bhi yar kaise pagal ki rah pakDi
Farhat Ehsas 
(717) Peoples Rate This