Zamin Se Arsh Talak Silsila Hamara Bhi Tha
zamin se arsh talak silsila hamara bhi tha
ki chashm-e-KHak mein ek KHwab sa hamara bhi tha
tu apne ghar ki taraf moD le gaya hai jise
zamin se puchh ki ye rasta hamara bhi tha
ye sab charagh jalae hue hamare bhi hain
bala-e-shab ka kabhi samna hamara bhi tha
hamare panw bhi paDte na the zamin pe kabhi
kabhi kahin yahi taKHt-e-hawa hamara bhi tha
ye hain jo bagh mein bos-o-kanar ke manzar
gae dinon mein yahi mashghala hamara bhi tha
kisi ki zulf mein dekha to hum ko yaad aaya
ki ek phul usi rang ka hamara bhi tha
yahi sharab kabhi hum bhi KHub pite the
usi nashe mein sar uDta hua hamara bhi tha
zamin hilti thi yun hi hamare aane se bhi
isi tarah ka kabhi zalzala hamara bhi tha
jo ab tumhaare tasarruf mein hai miyan-'ehsas'
kabhi ye arsa-e-arz-o-saman hamara bhi tha
Farhat Ehsas 
(1113) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544