Aankhon Mein Base Ho Tum Aankhon Mein Ayan Ho Kar
aankhon mein base ho tum aankhon mein ayan ho kar
dil hi mein na rah jao aankhon se nihan ho kar
han lab pe bhi aa jao andaz-e-bayan ho kar
aankhon mein bhi aa jao ab dil ki zaban ho kar
khul jao kabhi mujh se mil jao kabhi mujh ko
rahte ho mere dil mein ulfat ka guman ho kar
hai shaiKH ka ye aalam allah re badmasti
aankhon hi se zahir hai aaya hai jahan ho kar
badnami o barbaadi anjam-e-mohabbat hain
duniya mein raha 'farhat' ruswa-e-jahan ho kar
Farhat Kanpuri 
(1121) Peoples Rate This