Apne Dariya Ki Pyas
sadaqaton ke junun ka
hum aisa aaina hain
jo apne akson ka man kho kar
shikastagi ka azab sahne mein mubtala hai
hum aise tufan ka majra hain
jo TuTte phuTte chaTaKHte se
apne aasab ke bikharne ki aas mein hain
jo tishna-lab sahilon ki manind
apne dariya ki pyas mein hain
jo dasht-e-imkan ki hawaon ki
barguzida magar darida libas mein hain
Farigh Bukhari 
(880) Peoples Rate This