Ise Bhi ChhoDun Use Bhi ChhoDun Tumhein Sabhi Se Hi Masala Hai?
ise bhi chhoDun use bhi chhoDun tumhein sabhi se hi masala hai?
meri samajh se to baala-tar hai ye pyar hai ya muahida hai
jo tu nahin thi to aur bhi the jo tu na hogi to aur honge
kisi ke dil ko jala ke kahte ho meri jaan ye muhawara hai
hum aaj qaus-e-quzah ke manind ek duje pe khil rahe hain
mujhe to pahle se lag raha tha ye aasmanon ka silsila hai
wo apne apne tamam sathi, tamam mahbub le ke aaen
to mere hathon mein hath de de hamein bhi izn-e-mubahla hai
are o jao!! yun sar na khao!! hamara us se muqabla kya?
na wo zahin-o-fatin yaro na wo hasin hai na shaera hai
Fariha Naqvi 
(1765) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544