Yaron Ko Kya DhunD Rahe Ho Waqt Ki Aankh-micholi Mein
yaron ko kya DhunD rahe ho waqt ki aankh-micholi mein
shahar mein wo to baTe hue hain apni apni Toli mein
shahon jaisa kuchh bhi nahin hai gumbad taq na mehraben
taj-mahal ka aks na DhunDo meri shikasta kholi mein
Dhalte Dhalte suraj ne bhi hum par ye ehsan kiya
chand sitare Dal diye hain raat ki KHali jholi mein
'mira-ji' ke dohe gao ya ki 'mir' ke sher paDho
dard ke qisse sab ne likhe hain apni apni boli mein
atlas aur kamKHwab ki raunaq is mein kahan se paoge
meri ghazal to baiThi hui hai aaj ghamon ki Doli mein
Farooq Anjum 
(910) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544