Aankhon Mein Mauj Mauj Koi Sochne Laga
aankhon mein mauj mauj koi sochne laga
pani mein be-sabaat nagar Dubne laga
ek shaKH-e-rang hat se mausam ke chhuT gai
KHali badan ragon mein koi loTne laga
hai apne darmiyan koi fasl-e-narawa
dahliz pe khaDa mein kise sochne laga
wo rauzan-e-KHayal, sada, saegi saman
phir harf zahr zahr zaban gholne laga
main ek barg-e-KHushk kabhi ka asir-e-gard
phir kaun Dal Dal mujhe Tankne laga
main bolta raha to kisi ne nahin suna
main chup hua to sara nagar gunjne laga
Farooq Muztar 
(790) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544