Mashwara Dene Ki Koshish To Karo
mashwara dene ki koshish to karo
mere haq mein koi sazish to karo
jab kisi mahfil mein mera zikr ho
chup raho itni nawazish to karo
mera kahna harf-e-aKHir bhi nahin
meri mano aazmaish to karo
KHud-satai shewa-e-iblis hai
nazr-e-haq harf-e-sataish to karo
chaar sau zulmat ke pahre-dar hain
rahmaton ki hum pe barish to karo
Farooq Nazki 
(725) Peoples Rate This