Apni Pahchan Koi Zamane Mein Rakh
apni pahchan koi zamane mein rakh
KHud ko zaea na kar kuchh KHazane mein rakh
raat ki be-libasi pe mazmun likh
sham ke phul chun ke lifafe mein rakh
raushni ki zarurat paDegi tujhe
aag mahfuz kuchh aashiyane mein rakh
jaanta hun mera koi masraf nahin
ek fashion samajh ke hawale mein rakh
sare tiron ko ek sath zaea na kar
farq kuchh to andhere ujale mein rakh
Farooq Shafaq 
(1328) Peoples Rate This