Main To Lamhat Ki Sazish Ka Nishana Thahra
main to lamhat ki sazish ka nishana Thahra
tu jo Thahra to tere sath zamana Thahra
aane wale kisi mausam se hamein kya lena
dil hi jab dard ki KHushbu ka KHazana Thahra
yaad hai rakh-tale ek sharare ki tarah
ye jo bujh jae hawaon ka bahana Thahra
jhuT sach mein koi pahchan kare bhi kaise
jo haqiqat ka hi meyar fasana Thahra
aks bikhre hue chehron ke hain har samt 'shamim'
dil hamara bhi koi aaina-KHana Thahra
Farooq Shamim 
(840) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544