Baadshah-e-waqt Koi Aur Koi Majbur Kyun

baadshah-e-waqt koi aur koi majbur kyun

bin gaya hai ek zamane ka yahi dastur kyun

hai baqa ke sath to nam-e-fana bhi lazmi

aap itni be-sabaati par hue maghrur kyun

dhup mein pani mein sardi mein hawa ke sath sath

jaan apni de raha hai aaj bhi mazdur kyun

ye to duniya hai na badli hai na badlegi kabhi

ghaur karne ke liye phir aap hain majbur kyun

apni shohrat ke liye us ne to kuchh socha nahin

ho gai lekin 'wasiyya' ki ghazal mashhur kyun